По двогодишна (оправдана) пауза поради пандемијата се одржа традиционалната Баделова средба.
Средбата се одржа на 9 јуни во Етно гостилницата Воденица 3 во близина на Крива Паланка.
Во опуштена атмосфера и во прекрасно време (наспроти прогнозата!) се видовме со нашите најважни партнери и соработници и уживавме во програмата која ја водеше маестралниот македонски актер Сашко Коцев.
На средбата пред партнерите се претстави новиот генерален директор – Златко Ивановски кој симболично ја презема „палката“ од Љупчо Павловски, чие тридецениско искуство компанијата ќе го ползува и понатаму, бидејќи ќе има советодавна улога.
Бевме почестени и со присуството на Јасмин Јурковац, директор за продажба во Badel 1862 Загреб и градоначалникот на Крива Паланка, Сашко Митовски.
Во продолжение неколку фотографии од средбата, а сите фотографии може да ги најдете на нашата официјална Фејсбук страница.
