Во летните денови имаме шанса да уживаме во освежителниот вкус на лубеницата. Па наместо да ја конзумирате само во овошна салата, еве идеја како да ја претворите во освежителен пијалок.
Состојки:
- 30 листови свежо нане
- 3-4 дебели парчиња лубеница
- 35 cl Key Rum
- 1/2 чаша шеќерен сируп
- 3 парчиња зелен лимон
Користете толчник за да ги истолчите лисјата од нане. Отстранете ги кората и семките на лубеницата и ставете го овошјето во процесор за храна и блендајте додека не добиете пире смеса. Ставете го нането во чаша со 2 лажици пире од лубеница, додадете рум, шеќерен сируп, сок од зелените лимони и промешајте за да се соединат состојките.
Ставете коцки мраз во 6 чаши и истурете ја смесата во чашите. Украсете со листови свежо нане и парче од лубеница. Послужете ладно.
